Ons soek so veel as moontlik voorbeelde van vloekwoorde in Afrikaanse musiek – van toeka tot nou! Alle Afrikaanse musiek is relevant, maar ons is spesifiek ook op soek na die oudste Afrikaanse liedjie waarin ‘n vloekwoord voorgekom het.

Vir doeleindes van hierdie vraelys beskou ons ‘n vloekwoord as enige woord wat binne sommige kontekste deur verskillende mense as taboe ervaar sou kon word. Dit kan ook suggestiewe taal (byvoorbeeld terwyl jy sweet-sweet in my arms lê – Gert Vlok Nel) en dubbelsinnige taal (byvoorbeeld die hond het my beskuit // van die tafel afgesmyt – Worsie Visser) insluit.

Hoe meer gedetailleerd en korrek die inligting oor die liedjie is, hoe makliker maak jy die lewe vir ons. Maar selfs al is jy nie 100% seker van jou saak nie, is ‘n leidraad beter as niks nie. Jy kry wel die geleentheid om aan te dui hoe seker jy van jou saak is.

Jy kan kies om anoniem te bly, of om telkens jou kontakbesonderhede te verskaf om deel te wees van die gelukstrekking aan die begin van Desember 2020 om R1 000 met die komplimente van Afrikaans.com te wen. [Geregistreerde gebruikers se besonderhede word outomaties ingevul.]